 |
|
Schnitzelbank / ganze Bränte-Zunft
/ Fasnacht 1979
(1979)
| 1 - 12 | (12)
Am Höhewäg dört stoht es Hus
Es ghört am Wirt vom Chrützli
Nur Geister göi dört i und us
Und ab und zue es Chützli
Drum Pauli zügle,due nid warte
Süsch gits dr Qm de Soldate
Es chläpperet und techätteret
Uf dr Gmeindskanzlei
Dr Gseueli dä wätteret
"Das isch e Sauerei!"
Wenn das Ding wotsch programiere
Muesch halt glich no chli studiere
Dr Kissling wot go Birli schüttle
Doch Bäumli sötte falle
Drum duet er alli Lüt ufrüttle
I sine wisse Halle
Jetz chasch dört ligge,schön im Schatte
Und gsesch erscht no e gstreifti Latte
Vereine hei mer hüfe wis
Doch bi de Presidänte
Stoht's vertori jetz grad mis
Mir Kappeler si doch Bränte
Das cha eus aber nid schockiere
Mir deuse ringsum importiere
Si göi go ässe,sufe schwitig
Und si die beachte Fründe
Lisisch nUt me i dr Zytig
S'wot au kene chünde
Dr Gmeindrot het sech echo notiert
Erscht vor de Wahle wird schiganiert
Tüda,tüda,tüdado
So gots halt hüt efange
D'Führwehr lauft ein Führ dervo
Si hei sich nit verstange
So Funkgrät hei halt ihrs Tücke
Muesch au emol ufs Chnöpfli drücke
Si si grad gsi go mämmele
Stöi jetz am Seili hinge
Si schüpfe,bisse,drängele
Und mache gspannti Gringe
Dr Bammert lachet sich is Füüschtli
Die Chrischtbäum göi wie heissi Würstli
Die erschti Klass isch bsunger
Die zwöiti mit dr dritte
Die vierti Klass wird dopplet gfüert
Was si au das für Sitte?
Zwee Klasse wäre gar nid minder
Die erst für d'Lehrer,die zwöit für Kinder
Mit Kafi und mit guetem Wy
Es Aesse mit sächs Gäng
Die Junge chöi hüt öpper si
Und d'Rede si gar läng
D'Jungbörgerfyr die macht me bsunger
Der Gmeindrot het drum wider Hunger
Wo wohnt dr Wyss,wo wohnt dr Lack
Si froge nach de Wäge
Und wo wohnt s'andere Kappelerpack?
Cha mer's eine säge?
Die Fremde wärde immer wöuder
Wo si die cheibe Strosseschöuder?
Es schneielet es beielet
Es goht e chüele Wind
d'Meitschi legge d'Händsche'n a
und Buebe laufe gschwind
D'Trottwar chasch fascht nUmme finde
Dr Willy aber i dr Linde
Strücher schnyde,Hundebäue
S'weiche "y" vom Wyss
Ladeschluss und Lohntabäue
Vo de Hünd dr Schyss
Urban Wyss du machsch eus rammlig
Am Schluss vo jeder Gmeindsversammlig
| 1 - 12 | (12)
|
|
|
|
|
