 |
|
Schnitzelbank / Bränte-Schnuderi
/ Fasnacht 2011
(2011)
| 1 - 12 | (12)
Of öisi Papis si mer stolz (MP3 download)
Of öisi Papis si mer stolz
Si schliesslech gschnetzt usem gliche Holz
Optisch döi mer besser abschniede
Onder däm müend si jetzt schliesslich liede
Mer si haut schön schlanki Pierrot
Ond se hei Ränze vom Bier be cho.
S' Portemonnaie leer (MP3 download)
S' Portemonnaie leer es esch nüt me denn
So goht er zom Poschtomat, das macht Senn
Der Code itippe, / der Betrag i gäh
Es betzeli warte onds Geld üsenäh
dr Bitterli Peter hät das ned begriffe
Und im Portemonnaie weder is Leere griffe.
Dä Bricht ir Zytig (MP3 download)
Dä Bricht ir Zytig duet öis entsetze
d `Zörcher wei d' Fasnacht absetze
di Färnsehlüt das si doch Naare
doch leider münd ou die hüt spare
Halb so schlimm seit do der eint
Si hei doch nor / d Fasnacht - Monika gmeint.
Was esch denn do (MP3 download)
Was esch denn do öber Züri los
Es herrscht am Hemu es Chaos
Am liebste würde se z' Chappu lande
Dasch doch klar / das hei mer verstande
Doch denn wärs met dr Ruhei verbi
Oder set das Bonige zue / e Velostreife si
D'Chetti öle (MP3 download)
D'Chetti öle, d'Rädli pompe
Dr Bläsi Beni duet sech ned lompe
E nöie Ständer werd montiert
Ond denne no grad usprobiert
E Sagi muess häne er hät es knorz
Sägele chasch lang / de bliebt immer zchorz.
Es schneielet die ganzi Nacht (MP3 download)
Es schneielet die ganzi Nacht
Aues isch wiss es esch e Pracht
Doch d Ifahrt frei schufle wott se sich spare
Schliesslech pressierts si stiegt i Chare
D Wyss Doris wott schnäu uf Wange
Nach 20 Meter bliebt se im Schneehoûufe hange.
Heit der das Schöud (MP3 download)
Heit der das Schöud do ou scho gseh?
Wer chond denn of so ne blödi Idee?
Das nöie Schöud döi si bim Schuelhous platziere
Eg ha öberleit, bim verbii spaziere
Wenn eg met emene Steft wörd dor Zyt dore fahre
So chönt me d'Schuelhus-Erwiterig spare.
Öber die zwe döi mer höt (MP3 download)
Öber die zwe döi mer höt no lache
Met em Stau wei se Kohle mache
Dr Meyer Oli poschtet 50 Wienerli
Und dr Hummel Tobi esch ou derbi
Usgröschtet stöi si am Strosserand
Wie vöu se verchofe se si gspannt
Doch leider foht der Vekehr a fliesse
Ond se münd d'Wörschtli säuber gniesse.
D' Froue of Quads (MP3 download)
D' Froue of Quads esch das ned famos
Ar Turnfahrt esch dr Tüfu los
D' Sampogna Gina duet omejette
Di andere müend sech schnäu go rette
Pass uf e Teich nei so ne Seich
Glug glug glug glug glug – glug.
Dr Lehrer schimpft (MP3 download)
Dr Lehrer schimpft mit öis ganz fescht
Wöu mir bschisse hei bim Tescht
Abgschribe hei mer und kopiert
Doch der Lehrer het's nid kapiert
Mir hei nur, dasch nid übertriebe
Güebt zum e Doktorarbeit schriibe
30 Joor het är d'Bränte prägt (MP3 download)
30 Joor het är d'Bränte prägt
Het för Zunft und Fasnacht gläbt
Jetz isch Schluss, wäg dr Auters-Gilloutine
Mir gäbe dir Asyl chumm doch zu öis Chline
Nur ei Bedingig stöuemer dir
Höuge moole das döi MIR
Könnet der das Gschechtli scho (MP3 download)
Lied Bränte-Schnuderi
Könnet der das Gschechtli scho
Vo de Clöwn Namens Pierrot
Wo in Chappu einisch so
Huffe Applaus hei be cho
Se hei dank em Radio
Fröid ar Musig übercho
Und hei tänkt das chöi mer o
So si se a d'Fasnacht cho
Nämlech se hei sech för zwo
Konfetti i ehri Täsche gno
Stemmig esch den ou ufcho
Wo si hei d Konfetti abgloh
Doch wo se hei fortissimo
Gsonge hei im Sääli do
Si ganz vöu Fans inecho
Se müend flöchte ond loufe derfo
Kunscht isch geng es Risiko
So si se a d Fasnacht cho
Und dir gseht d'Moral dervo
Senget nie im Sääli do
Süsch geits öich grad ebeso
Wie de arme Clöwn Pierrot
Wo in Chappu einisch so
Huffe Applaus hei be cho
| 1 - 12 | (12)
|
|
|
|
|
