Dr. Hansli wählt am Apparat,
D' Verbindig isch jetzt grad parat:
"Isch dört mis Grosi - bini rächt ?"
Doch us em Telifon tönt's schlächt!
Sie kreischt - sie stöhnt - die geili Hex!
Es isch drum d'Nummere - 1-5-SEX.
I dr Zunft git's jetz e nöie Star;
Dr Hagme Chlaus isch Obernarr!
D'Fasnacht liit däm Chlaus im Bluet,
drum si mer sicher - dä macht's guet!
Doch was er au cha - oh heie-heie,
Er duet gärn Stäge abegheie.
Im Herbscht rumt är dr Garte uf,
chrampfet, chüchet, goht fasch druf.
Dr ganzi Garte umehacke,
und allne Bäumli d'Aescht abzwacke.
Denn schnitt'r i Finger mit dr Schär,
das isch doch typisch - - Toni Bär.
Im Röbi Lack passiere Sache!
Mir finde, das isch ned zum Lache.
Er wird aagschosse - mitz i Chopf.
Isch das denn nid en arme Tropf?
Sid denne duet dä mängisch flippe
und am Herbschtbott - füdleblutt strippe.
Dr Willi Urs hed e scharfe Hund.
Dä duet wie wöud wene Frömde chunnt.
Doch wen e Dieb is Huss iidringt
und alle Schmuck vom Marlies nimmt,
De duet das Tier ned rapportiere,
wöus mit ein Urs isch go spaziere.
S'Zivilschutzässe, das isch wichtig!
Dänkt der Ruedi Selebam richtig.
Er bstellt das Esse - het kei Rueh,
So vierzig Lüt - das git viel z'due.
Er het scho Angst, es sige no meh,
doch denne si's nur - 18 gseh.
Dr Ruedi chunnt zrugg vo Bade-Weil
Und haltet sis sportlecke Büchli feil.
Die Kur hed gnützt, me gseht em's aa
Er isch halt eine wo abneh chaa.
Die schlanki Statur isch glii vergässe;
In Spanie bim Paella ässe.
Dr Nussbaum Ruedi goht go kuure.
Er turnt und secklet, s'chönnt eim duure.
Zobe dänkt er - s'git es Gala-Esse
um dä herti Tag z'vergässe.
Er meint s'git Lachs - e Rügge vom Reh,
doch serviert wird Joghurt - Kamille-Tee.
D'Bränte Zunft - d'Schorniggeli,
Boue es Füür, für e Hilari
Wiehnachtsböim und Brätter us Holz,
E riise Huufe, si se ganz stolz
Denn merke si - die liebe Fründe:
"Mir hei jo nüd - zum s'Füür aizünde".
Wär vo Chappu nach Bonnige goht,
Dä gseht, dass dört es Hüssli stoht.
Chum isch das Hüttli bouet gsee,
Do isch's passiert - ojeminee!
Dr Kran isch kippt - e schlimmi Sach!
Jetz het das Huus es Fänschter im Dach.
S'Fasnachtsmotto Mega-Frutti
gfallt öis alte Gfängnis-Chnutti.
Drum göi mer jetze voll uf tutti,
hüt bruuche mir e pralli Blutti!
Mir warne öich, dir Chappeler Pflutti,
Verstecket euchi hübschi Mutti!
