Play
Moritz Leuenberger
Lied Fasnacht 2006 Mischtchratzerli
"Melodie - Sie müssen nur die Nippel durch die lasche ziehen "
Mir hei e Brief becho vo öisem Bundesroot em Moritz
Vo öisne siebe Weise het är jo grad dr Vorsitz
Är findets toll, was mir do in Chappu jetz grad mache
Mir pflege Traditione und mir bringe d'Lüt zum Lache
Aber dass mir Beize föue, sig chli es Problem
Dr Alkoholkonsum i dere Ziit dä sig extrem
Derzue chunnt no dr Lärm, wos git, wenn dir döit applaudiere
Meh als 100 Dezibel chöig är nid toleriere
S'Rauche muess är ou verbiete sicher i de Beize
Denn dä Passivrauch döig öisi Stimme hörbar reize
Am schlimmste sig dr Fiinstaub wo mir säuber produziere
Wenn mir am Umzug mit Konfetti d'Lüüt döi schikaniere
Liebe Moritz, jetzt fäut nur no, dass du öis wotsch zwinge
Kei Schnitzubank me öber d' Bondesröt dörfe z'singe
Be öisne bissige Värsli däti's öich no passe
Wenn dir i öis - statt de Hönd - e Muulchorb chöit verpasse.
Play
Thomas Heimann
Z'Oute isch dr Heimann Thomas ziemli engagiert
Als Stadionverwalter het är sich jetz probiert
Doch sini Liebi ghört im Curle, das isch für ihn s'Gröschte
Es isch dr einzig Sport, wo bim Seckle no chasch bürschte.
Play
Thomas Heimann
Könnt äch dr Schorsch - heio dänk dä vom Hafebeggi zwäi
Au dr nöii Papscht so guet, hei mir ne gfrogt, bi ihm dehei
D'Antwort isch poschtwändend cho und si isch e Hit
Jä! Ratzinger, dasch e diitsche Wisse, wo furchtbar Grindweh git
Play
Thomas Heimann
S'Kuenze hei en Egge ab, do chunsch nümme drus
Aber nit si sälber, Nei, dä a ihrem Huus.
D'Anita glaubt, d'Papiersammler si i d'Hütte gfahre
Aber Mani, wie chunnt ächt denn dä Buck i di Chaare?
Play
Claudia Bär
Öis dunkts si gseht chli komisch us und isch e chli im Schuss
Mit nasse Hoor und Wickeli so stoht si veruss
D'Claudia Bär di muess schnäll hei, si sett de Chinder choche.
Und hett us däm Grund ihri Coiffeursitzig unterbroche.
Play
Rita Häusermann
Mir si stolz und fröie öis so gschiidi Lehrer z'ha
Di gschiidschti vo der ganze Schwiiz isch d'Rita Hüsermaa
Bim Radioquiz uf DRS3 ruumt si chräftig ab
Isch souverän, weiss jedi Antwort, macht jede Gägner schlapp
Nur eis het öis chli irritiert und ou es bitzli troffe
Hei doch die im Studio Karbacher zäme gsoffe.
Play
Ski Nati
Wenn du ihne z'ässe gisch – pass uf, das chönnt se töte
Ou süsch si si i freier Wöudbahn zimli stark in Nöte
Si wärde immer weniger und si langsam derart sälte
Dass für Schwiizer Skinati jetz Arteschutz duet gälte.
Play
Pflotscher
D'Vogelgrippe isch am cho, me cha sich chuum dergäge wehre
Us däm Grund müesse d'Züchter s'Fäderveh i Stall iispeere
Mir gloube, ou d'Pflotscher döi e Viregfohr darstöue
Die Änte hätti me scho lang im Schützehuus iispeere söue.
Play
Vreni Brack
Wenn si obe abe chunnt – chunnt sine unde ufe
Und denn gohts los – si föi scho luut und heftig afo schnuufe
Und wenn si jetz däm hübsche Bueb ihres Härz duet schänke
Denne leit är si ufs Chrüüz, wie dir öich chöit dänke
Es louft so guet, dass Vreny Brack am Schluss chumm cha fasse
Si isch Schwiizermeischterin im "Dameschieberjasse".
Play
Michael Ulrich
Zerscht es geignets Plätzli sueche, d'Gfahrelaag ergründe
Richte, d'Zündschnuer legge und zum Schluss no zünde
S'Rageetli sett im Himmu zue, für das muesch ziile chönne
Doch bim Ulrich Michel foot do grad dr Sunneschirm a brönne
Play
Doris Jäggi
Vom Pizzabache wäg duet d'Doris Jäggi id' Chäsi rönne
Si rüeft us: "Dä Schinke stinkt, dä chasch du grad verbrönne!"
D'Pia seit: "Dä stinkig Schinke duet mi nit berüehre.
Gang doch schnäll i Gäupark, M – Budget döi mer nit füehre."
Play
Martin Fessler
Dr Martin Fessler het Erfolg als öise nöie Amme
Mit Stüüre sänke het är scho vöu Pönkt chönne sammle
Liebe Martin, pass nur uf, dass s'öis nit passiert
Und der Zysiadis no uf Chappu disloziert!
Play
Sit schön ruehig, lachet nid
Sit schön ruehig, lachet nid, döit nid applaudiere
Mit däm Helge wei mer sicher niemer provoziere
Zündet ne nid a und schiessed ou ke Stei
Dasch nur e Piratechopf, wo mir do zeichnet hei
