Play
So ne schöni Ziit
Refrain:
So ne schöni Ziit, so ne schöni Ziit
So ne schöni Ziit, so ne schöni Ziit
Wenn d'Fasnacht chunnt, wenn d'Fasnacht chunnt
Si mer derbii, si mer derbii, do simmer aui gärn derbii
Nöt bliibt öis verborge // was dir durs Joor döit mache
Dank Wikileaks wird aus bekannt // sogar intimschti Sache
Mir wösse wär vo öich // s'letscht Joor frömd isch gange
Und wär a dere Fasnacht / ufene Sitesprung duet blange.
Refrain:
Wikileaks beschriebt wurum / öise EX-Gmeinsverwalter
Immer schlanker wird – trotz sim stiegende Auter
Dr Gsell cha Text wo när / für d'SVP duet publiziere
Am beschte uf sim nöie / Hometrainer formuliere.
Refrain:
I de Akte erfahrsch was öise / Abwart z' verstecke het
Und wurum är i sim Chäuer / niemer empfange wett
Är het dört unde nämlech aus sträng überwacht
Damit ne niemer gseht, wenn er / mit em Kickboard e Rundi macht
Refrain:
Vom Brack Fritz öisem Grufti / gits paar gföllte Büecher
Vo sine wöude Ziite – vöu, vöu früecher
Dört inne stöi au ganz / sträng gheimi Sache
Dass är förs nöchscht Joor plant / öisi Höuge wieder zmache.
Refrain:
Au öber dä Minischter / wo in Dütschland chli het pschisse
Hei mir vo Wikileaks / intime Details dörfe wüsse
Dä gseht das nid so äng – s'Volk söu nid so böckele
Är heig dä Titu nume / zum uswärts chli go dökterle
Refrain:
Dr Muhamar Gaddafi / Wüeschtesohn vo Libye
Heigi gseit öis Schwiizer seht me / s'Fähli öber s'Ohr zie
Doch jetz ischs andersch cho / dir könnet Gschicht hejo
Dr Muhammar isch nömm – aber mir si no do.
Refrain:
Und dr Merz de fröit das bsunders dä heig no e Rächnig offe
Vom letschte mou wonär / dr Gaddafi a het droffe
Är heig em e Charte gschriibe us de Ferie us em Weschte
Lieber Muhammar wer zu letzt lacht lacht am beschten.
Refrain:
Dr Berlusconi het jetz schiens, das isch ganz aktuell
Dr Ueli Murer gforderet / zumne richtige Duell
Är chöig nid akzeptiere und fänd das nid zum Lache
Das d'Bränte-Zunft vo Chappu / ihn zum Gspött döig mache
Refrain:
E ganzi CD Gheimnis // hei mir aus Datebank
Material / för so mänge // brisante Schnitzubank
Doch kei angscht mir wärde das // nid gäg öich verwände
Solang dir nochhär es paar Franke döit i d'Kasse spände.
Refrain:
Play
Dr gwählti Präsident
Dr gwählti Präsident vo Italie Berlusconi
Dä het am liebschte jungi Fraue und das oben ohni
Doch chuum hei die junge Frölein erschti Hoor am Schnägg
Do isch dr Berlusconi ruckizucki wieder wäg.
Play
Mer sette no e Name ha
Mer sette no e Name ha, // seit der Präsi, jo das müemer
Wie wärs mit Dorfbachänte, // Frohsinnhöcker, // Bränte-Hüehner
Looset mou, I ha d'Idee // Chappurigines das wärs
Uf dä Name riimt sech garantiert kei Bräntevärs.
Bim Probe seit dr Portme Dani zu sine Fraue
Blose chöit dr doch müesst mir chli meh uf d'Glogge haue.
Play
Der Peter Weber gschpört
Der Peter Weber gschpört der Früelig, s'Edith duet ihm guet
Är inveschtiert und renoviert, dass me nur no stuune duet
Z'Chrüz erstrahlt i nöiem Glanz, es isch e wahri Pracht
Nur wie früener brönne d'Wiehnachtsliechter // ou im März no i der Nacht
Play
Mis Outo das esch
Mis Outo das esch faszinierend, // met Technik nur so gspickt.
Wenn rückwärts fahrsch chonsch nöch ad'Wand, denn hornets wie verruckt.
Aber sone Sensor duets be dim Outo gar nid gäh.
Nicole muesch bem Rückwärtsfahre nor der Arm vom Huupi näh.
Play
Im Vatikan esch s'Kondom
Im Vatikan esch s'Kondom före Katholik
Jetze nömm verbote // sondern plötzlech chic
Der Katholikegummi esch zwar nor för bschtimmti Fäll
Doch wenn ehrlech besch, de weisch: // bschtimmti Fäll si immer, // gäll
Play
Im Vatikan esch s'Kondom
Mer döi wieder Lego spiele // und de Meitli am Zopf riisse
Riitiseile, moole, baschtle // und öppe mou i d'Hose schiisse
Ab sofort hei mer nur no eis Ziel do uf Ärde
Mer wei ou i dä Luxuschindergarte ufgnoh wärde
S'esch ned wäg dr Nigge dere tolle Chindergartefrou
Mer bruuche eifach würklech dringend // es nöis Zunftlokal.
Play
Kevin esch jetzt
Kevin esch jetzt os der Mode, // Andreas weder in.
Was esch ächt der rechtig Name, // för öises liebe Ching?
Frogsch öise Metzger, denn chasch aues andere vergässe.
Toufs doch Hans, seit är zo der, // de zahl e s'Toufiässe.
Wotsch kei Goof me aber dänksch / so nes Ässe jo das wärs
Gohsch wie mir ad Fasnacht / und machsch vom Hans e schöne Värs.
Play
V6-Zylinder, Schiebedach
V6-Zylinder, Schiebedach, Tiptronic, ABS
Halogenschiinwärfer, Kurveliechter // 204 PS
Der Erich Rihm isch stolz uf si nöie SUV
Fahrt i d'Garage ine … ccchhhh … oje, die isch gloub z'chli
Play
Schaffe, schaffe, Häusle baue
Schaffe, schaffe, Häusle baue, // der Schulti spöizt ed Händ.
Der Bode, d Decki, aus muess use, jetz goht's no a'd Wänd.
Das esch müehsam, die Tapete loht fascht ned lo goh. æ
Dumm esch gsi, hesch ned dra dänkt, dass die Wand ned wottsch lo stoh.
Play
Das Girl vom Tag
Das Girl vom Tag vo Chappu heit dir sicher alli gseh
Die Rundige, // dä wiisi Teint, // e richtig schöni Fee
Mer wei se jetz drum ehre und för si dä Värs do singe
Dasch s'erscht Mou, dass si i dr Ziitig // öppis schöns vo Chappu bringe
Ou Chappu wott si schiints ehre // mir döi nid öbertriibe
Dr einzig Hoogge isch si cha d'Urkunde // nid sälber schriibe.
Play
Zerscht muesch schwömme
Zerscht muesch schwömme wie ne Fisch am Iron Man Hawaii
Denn of s Velo ond no seckle, 10 Stond ganz elei
Besch denn völlig uspumpt und wettsch nor no ligge bliibe.
Muesch, wenn vo Chappu gehrt wottsch wärde, // d'Urkunde sälber schribe.
Play
Dr Piero Costa isch verwandt
Dr Piero Costa isch verwandt mit öis das isch klar
Es schtöut sech nur no d'Frog wär isch dr Pierrot / wär dr Naar
Är kreiert e Dorfiigang // "SO guet" mir chöis nid fasse¨
Dass mit jeder Garantie keis Plakat dri duet passe
